Marg‘ilon shahridagi “Pichoqchi” mahallasi hududida fuqarolarga tibbiy xizmat ko‘rsatuvchi– «Performance neuro” nomli yangi reabilitatsiya markazi ishga tushirildi. Shu munosabat bilan o‘tkazilgan tantanali ochilish marosimida shahar hokimi Sh.Nisbatxonov, nuronilar hamda mahalla faollari ishtirok etishdi. Oliy toifali shifokor Alibek Usmonov tashabbusi bilan tashkil etilgan ushbu markazda Xitoy ham Koreya davlatlaridan keltirilgan zamonaviy tibbiy uskunalar yordamida bemorlarga aniq tashxis qo‘yilib, malakali shifokorlar tomonidan asosan nevrologik tibbiy xizmat ko‘rsatiladi. Shuningdek, kardiolog, psixolog ko‘rigi, exo-eg, magniy terapiya fizioterapiya muolajalari ham yo‘lga qo‘yilgan. Ushbu markazning ishga tushirilishi hisobiga 8 ta yangi ishchi o‘rni yaratildi.